اسلام عبد العزيز كاتب ومقدم مُحتوي كلماته خطفت القلوب وراقت للعقول

أستطاع ان يكسر حاجز 500 الف متابع في ايام قليله

اسلام عبد العزيز يلفت الإنتباه في مجال السوشيال ميديا الذي كان سبب في نجاحه بشكل كبير علي منصة فيسبوك
في يوم 19 ابرايل 2022 حدثت ضجه كبيره علي مواقع التواصل الأجتماعي تحكي صعود نجم جديد لعالم السوشيال ميديا مما دفعنا للتساؤل عن هويته ومن يكون
وفي حوار مع اسلام عبد العزيز الشاب صاحب التاسعة والعشرون عامآ يحكي عن مدي اهتمامه بمجال الميديا وكيفية وجوده وهل كان صدفه ام لا
ما أسمك : اسلام خالد احمد شهرتي اسلام عبد العزيز
السن : 29 سنه مواليد الأسكندرية
زوج وأب لطفلتين
المهنه : محامي يعشق الكتابه وشغفي النصح والأرشاد وتصحيح مفاهيم خاطئه
واظهار بعض المبادئ المفقوده التي تربينا عليها
ازاي وصلت 500 الف متابع في فتره قليله علي السوشيال ميديا ؟
مين قال فتره قليله ؟
اهتمامي بالسوشيال ميديا من منتصف عام 2020
حيث رائيت أن العالم الحديث يحتاج الي المام بمجالات التخاطب عن بعد
الميديا ليها أدوار كتير في حياتنا وللأسف انهارده مبقاش فيه حد يقول ده صح او غلط
مبادئ كتير فٌقدت من بداية ظهور العالم الرقمي
حيث ان الجميع في محاولات متكرره للظهور علي الساحه الاعلاميه والسينمائيه من خلال الظهور علي مواقع التواصل الاجتماعي
جميل ان كل شخص يبقي عنده هدف وانا بشج كل شخص انه يسعي للبحث عن اهدافه
ولكن الاهم تكون الاهداف ساميه
يعني اللي بيقدم محتوي او بيكتب كلمه او بيألف رساله لازم يكون عارف انها م}ثر قوي علي عقول اللي حوليه
فمبالك بقي بملاين تتابعك , يعني لازم كل كلمه تكون موزونه عشان كتير هيتأثرو بيها وهتبقي توجيه ليهم
سؤال : ما الهدف من ظهورك علي السوشيال ميديا
صراحه انا أمتلك عملي الخاص وأملك وقت فراغ
وديمآ بحب أشغل وقت فراغي
وبما اني شغوف جدآ بالكتابه والتأليف , فكرت وقولت لازم يكون ليا دور في المجتمع والعقول اللي هتشوفني
ابتديت اتعلم ماركتينج والحمدلله وصلت لدرجه مش بطاله فيه وبالمناسبه الماركتينج اللي ساعدني في الظهور علي الميديا لأني كن ببقي عارف انا عايز ايه
سؤال : أنت بتقدم ايه علي السوشيال ميديا وايه هي رسالتك ؟
رسالتي ساميه وليست سامه والهدف منها التوعيه والوصول لبعض العقول التي تحتاج للدعم وتحفيزهم علي اظهار مواهبهم ومواصلة معاركهم اليوميه
يعني بالبلدي بحاول أسند كل شخص محتاج يتسند وبسمع كلمه حلوه لكل حد محتاج الكلمه دي في وقت أصبح الجميع يبحث عن نفسه حتي لو علي حساب غيره .
وبالمناسبه انا بقدم محتوي فيديو غير الكتابه والتأليف
وان شاءالله سيصدر اول كتاب ليا خلال السنه الحاليه 2022
سؤال : أسم الكتاب ؟
مقدرش اقول الأسم احتفاظآ لحقوق الملكيه ولكني انهيت نصفه وان شاء الله سينال اعجاب الجميع
سؤال : طيب قولنا جمله منه حتي ؟
حاضر :
<< حياتنا ذكري بنكتب فيها من يوم ما وعينا علي الدنيا , خلي ذكرياتك تشرفك لما تفتكرها , خلي قصتك روايه يتحاكي بيها اللي يعرفوك ومن بعد حياتك ولادك واحفادك اختار انك تكون البطل , أختار انك تعافر , أقف في وش الدُنيا وأكسر ايامك الصعبه , اوعي تخليها هي اللي تكسرك >>

صراحه كلمات جميله وفي انتظار الكتاب ونختم لقائنا معاك بشكرآ علي الروح الجميله التحفيزيه وكلمتين منك للشباب الناشئ
لازم كل واحد يدور علي هدفه ورسالته في الحياه , مهما قابلت صعوبات وضغوط لازم تكون عارف ان وجود في الدنيا لحكمه ورساله , ونصيحتي لكل الناس كبير او صغير مادمت عايش أعرف رسالتك من الحياه بدري عشان تقدر تعيش مرتاح البال .