ميار الببلاوي: ” إيه الدنيا دي ابنى تعبان وبيموت” – بوابة مشاهير

01:37 ص


الأحد 12 يونيو 2022

كتب- وائل توفيق:

كشفت الفنانة المعتزلة ميار الببلاوي عن أحد المواقف السيئة الذي تعرضت له أثناء انشغالها بمرض ابنها الذي كان يستعد لأداء امتحان آخر المواد الدراسية في البكالوريوس.

وكتبت عبر صفحتها الخاصة بموقع “فيس بوك”: “إيه ده إيه الدنيا دى إيه الناس دى إيه الواحد عايش فى كوكب لوحده ملهوش حد ولا يفرق مع حد كلوا يالا نفسى ولو ليه مصلحة يعملك نفسه مروحة ولا ملوش متلزموش”.

وتابعت:” دى كلمه ست طيبة لقتنى ببكى فى المسجد بتاع المقابر وقالتلى دموعك غالية وفريها الجايات كتير والله استغربت كلامها وكأنها بتأهلنى للى جاى النهاردة”.

وأضافت: ” ابنى من الصبح بيموت بين إيدى بيرجع وبيتلوى من المغص ودكاتره داخلة ومحاليل وحقن وأدوية وبكرة امتحانه الصبح لانه فى بكالوريوس ودى آخر مادة طبعا كده خلاص مفيش أمل إلا بمعجزة من عند ربنا لإنه رايح راس فى راس والسخونيه ٤٠ألاقى حد حقير كلمنى وبحكيله إن ابنى تعبان وبيموت من المغص وبيصرخ يطلب الطلب اللى هو عاوزه ويقفل”.

واختتمت:” عاوزه اقول الله مايحوج حد لحد بس بعد الضنى مفيش وكده حلو أوي”.

يذكر أن ميار الببلاوي تحدثت في تصريحات تلفزيونية بشأن حياتها العاطفية، وقالت: “أنا ست ملولة، ومبستحملش الراجل يقعد على قلبي كتير، وحظي وحش في كل زيجاتي، عايزة حد يبتكر ويفاجئني”.

وعن أسباب انفصالها قالت ميار: “لم يطلب مني أحد ترك التمثيل، ولكنهم تزوجوني بسبب أنني ممثلة مشهورة، ودائماً بظهر بصورة جيدة وملفتة، لكن في النهاية أنا بني آدمة عادية بصحى عادي منكوشة زي باقي الناس هما بقى عايزني حاطة ميك أب طول الوقت وعاملة شعري ومتزوقة”.

يذكر أن ميار الببلاوي ولدت في 24 ديسمبر 1972، تخرجت في كلية الآداب، وبدأت حياتها الفنية كممثلة إعلانات، ثم انتقلت إلى السينما والتليفزيون، وارتدت الحجاب.