فتح الإعلامي أحمد شوبير النار على مسؤولي النادي الأهلي برئاسة محمود الخطيب بسبب صفقة الجزائري أحمد قندوسي الذي يلعب في صفوق سيراميكا كليوباترا على سبيل الاعارة.
وقال شوبير في برنامجه الاذاعي: فيه صفقات بتروح تعملها كنادي الزمالك عشان الأهلي كان بيفكر في اللاعب ده أو الأهلي يعملها عشان الزمالك كان بيفكر في اللاعب، فأقوم أنا أجري أخطفه عشان أخط اللقطة عند الجمهور.
وأضاف: أوضح مثال على الصفقات من النوع ده أحمد قندوسي اللي بعتبره واحد من أحسن اللاعبين في مصر، قندوسي كان الزمالك قريب جدا من ضمه، لكن الأهلي رح وخلص الصفقة وضم اللاعب بشكل نظيف وقانوني.
واختتم: لما قندوسي جه الأهلي منورش اوي وأنا رأيي الموسم الأول لا يتم الحكم من خلاله، وكان الرأي الفني لكولر إنه مش عايز قندوسي وكان رأى الأهلي عدم التفريط في اللاعب، فقرر يخرجه إعارة، فلعب مع سيراميكا وكسر الدنيا في مصر وحاليا سيراميكا أنهى كل شيء عشان يضم قندوسي نهائيا، فالنادي الأهلي أنت جريت وخدت قندوسي لكن ما استفدتش منه.
المصدر : وكالات
