تحدث الإعلامي أحمد شوبير عن نجم الزمالك أحمد فتوح بعد الاتهامات التي طالته في الساعات الماضية بشأن تهربه من مباريات الزمالك.
وقال شوبير في تصريحات إذاعية: احمد فتوح ياعيني ما بيسلمش واللي اتلسع من الشوربة ينفخ في الزبادي، وأنا مش عارف الحقيقة ايه سبب توجيه اتهامات جديدة له بعد غيابه عن مباراة الزمالك مع المصري.
وأضاف: فتوح كان يعاني من نزلة برد وما نما إلى علمي إن جوميز يخطط لمشاركة أحمد فتوح في مركز الجناح الأيسر، على أن يتواجد المحترف المغربي محمود بنتايك في مركز الظهير الأيسر هو عايز يوظف الاثنين وفتوح أصلا كان جناح وتم توظيفه دفاعيا عشان مفيش حد يلعب في المكان ده.
واختتم شوبير: فتوح نفسه قال ههرب ليه والنادي عارف إني كنت تعبان، هو أحنا ليه مش عايزين نساعد الناس واحد كان في محنة وربنا كرمه وعدى منها، خلونا بني آدمين شوية خلينا طيبين.
المصدر : وكالات
