وحيدة فى وسط أحزاني
ما بين اليأس والفرحة
برآئتي تايهه فى الزحمة
طفولة شايخة في ملامحي
سَجنوني بدون رحمة
سجنوني وخدو المفاتيح
شربت المر من كاسى
ما بين اهلى وبين ناسى
وياما فى الدنيا بآسى
وماحدش ليه بيواسى
كاس الظروف مسموم
كل إللي داقه ما ماتش
لكنه عاش مهموم
نامي أنتي دلوقتي
وإصحى من النجمة
دوري على الضحكة
ومنين هيجي النوم
والقلب بات مهموم
اتعشم يا قلبي وأفرح
شمس الصباح تطلع
أبص ليها أطمع
وأقول خلاص هفرح
ألقى عليها غيوم
