بتلاعب مين؟.. عصام الحضري يفتح النار على حسام حسن – مشاهير

هاجم عصام الحضري مدرب حراس مرمي منتخب مصر السابق حسام حسن المدير الفني للفراعنة الكبار عقب التعادل مع بتسوانا.
وتعادل منتخب مصر الوطني بقيادة حسام حسن مع نظيره منتخب بتسوانا بهدف لكل منهما فى تصفيات كأس أمم افريقيا.

قال عصام الحضري حارس منتخب مصر السابق عبر تصريحات تليفزيونية:

حسام حسن قال إنه عمل نتائج مع منتخب مصر محصلتش السنين اللي فاتت في التصفيات، هو انت بتلاعب مين أصلا.

تابع: أنت كسبان 4 ماتشات من 6 ، احنا مع فيتوريا كسبنا الـ6 ، المنتخب حاليًا مفيش أداء ولا شكل أنت بتكسب بس.

أضاف: حسام حسن كان قاعد في مكاني وبيطلع في الاعلام وبينتقد كل الناس هو أو اخوه ابراهيم وكانوا بينتقدونا وعمرنا ما ردينا عليه.

استطرد: قولي كدا انت شوفت شكل او تكتيك للمنتخب الحالي ، هو محقق نتائج بس 3 و 4 بس انت بتلاعب مين.
واختتم حديثه قائلا: وبعدين انت بتقول ان ارضية ستاد الدفاع الجوي مش حلوة، طب ولما انت عارف انها مش كويسة لعبت ليه عليه.