[ad_1]
09:52 م
الثلاثاء 14 يونيو 2022
كتب- محمد أبوالمجد:
علقت الإعلامية لميس الحديدي، على خسارة منتخب مصر في المباراة الودية التي أقيمت مع منتخب كوريا الجنوبية بأربعة أهداف نظيفة للأخير، قائلة: “هزيمة متوقعة من منظومة متهالكة”.
وقالت “لميس” في خلال تقديمها لبرنامج “كلمة أخيرة” على فضائية “أون إي” اليوم الثلاثاء: “كنا منتظرين إيه من منظومة اللامشروع؟ هل كنا في إنتظار إنقاذ إلهي ؟ وإحنا بنتفرج كنا بنقول ربنا يستر ومتبقاش هزيمة كبيرة لكن جت رباعية وده كتير”، موضحة: “العالم كله بعد المسابقات الكبرى وخروج المنتخبات بيقف ويقيم ويعيد هيكلة المنظومة والسؤال؟ إحنا عملنا إيه؟ مشينا مدرب وجبنا أخر وأقلناه وهو على متن الطائرة ظلمنا الراجل رايح راجع ومش عاوزين نحمل إيهاب جلال وحده المسؤولية المنظومة كلها من أول إتحاد الكرة الغريب واللاعبين الذين لم يبذلوا اي مجهود وفاقدين للروح وبيقعوا من أي إحتكاك ومعندهمش لياقة أو منهكين لأن الأجندة الكروية مش مفهوم رأسها من رجليها”.
وتابعت، أن رابطة الأندية الإنجليزية أعلنت اليوم أن يوم الخميس يكون إعلان تفاصيل الجدول الذي سيبدأ من أغسطس ويينتهي في مايو وبعدها يكون إجازة لكن مقارنة بالوضع المصري فهؤلاء منظومة منضبطة، موضحة: “إحنا بقى ماشيين إزاي ؟ عندنا تلات مباريات من كأس قديم وثلاثة أخرين من الجديد وفوضى إحنا في سيرك ولا منظومة رياضية”.
وأردفت: “أخشى ما أخشاه أن يظن البعض أن حل ذلك سينتهي بمجرد إستقالة الاتحاد ياريت مايكنش الفكرة أن الاتحاد يستقيل أو يمشي لكن لو مفيش مفيش مشروع علمي للحالين أو القادمين هيبقى الوضع زي الأغنية شالوا ألدو حطو شاهين “.
[ad_2]
