للاصرار والعزيمه رأي مختلف حوار صحفي مع البلوجر “أيمن ناصر”

نتعرف بيك؟ ..
انا أيمن ناصر محمد جابر
مؤهلك أيه؟ ..
خريج المعهد الدولي البريطانيIBI هندسة حاسب
تصمم الجرافيك ، فويس اوفر ،
ياريت تعرفنا على موهبتك واذاى قدرت تشتغل عليها وتنميها؟ …
والله كنت ببقا قاعد مع نفسي وبقعد اجمع كلام لغاية م بقيت بكتب ومع ممارسة القراءة من ناس تانية فى بقيت استوعب والتمس الشارع ومشاكلة واطلعها عبارة عن فيديو صوتي قصص مصورة ..
طيب انت طبيعة شغلك اذاى مثلا ،او اذاى بتوفق بين شغلك وبين هوايتك؟ ..
انا شغلي على مدار اليوم ومش بفضي غير بالليل ودايما بسجل كل فيديوهاتي بالليل لأن الوقت الوحيد اللي بكون فاضي فيه بسب ضغط الشغل طبعاً بيحتاج جهود يعني
.. طيب انت فيديوهاتك كانت بتلاقى متابعين وبتحقق مشاهدات؟ ..
اول فيديوهات عملتها متتسمعش حرفياً بس فضلت احاول واحاول كتير لغاية م وصلت لطريقة إلقاء تليق بمتابعيني وبقوا ينتظروا فيديوهاتي أول بأول
..ممكن تقولنا انت كان فى حد بيحفزك او بيشجعك على الاستمرار؟ ..

الدعم من أصحابي يعني محدش كان بيدعمني ودايما شايفين اني بضيع وقت ع الفاضي لغاية ما واحد شاف فيديو ليا صفحة كبيرة واخده وراح عملي منشن والفيديو ده وصل لمليون مشاهده ووقتها كنت مبسوط جدا ورغم كده محدش دعمني برضو لما شيرتوا ع الاكونت الخاص ..
..تمام طب انت شايف ان الموضوع ده ممكن يجيبلك ارباح ؟..
مش عارف والله دي ارزق بتاعة ربنا محدش عارف ربنا شايلي اي بكره بس عندي ثقة كبيرة اني هكون مثل لناس كتير ..
..يعنى انت شايف ان لازم كل الناس تدعمك ؟
مش لازم هو فى صديق ليا بدرجة اخ هو اللي دايما كان واقف في ضهري ودايما يشجعني وشايفني هوصل وكان بيحفزني اني استمر ومستسلمتش..
شكرا جدا لحضرتك