01:14 م
الجمعة 17 يونيو 2022
كتب- هاني صابر:
دعمت الفنانة نادية مصطفى، المطرب محمد الحلو الذي يمر حاليا بأزمة صحية، سيجري على إثرها عملية جراحية بتركيب دعامات وإزالة لانسداد شرايين القدمين يوم الأحد المقبل.
وكتبت نادية، عبر حسابها على “فيسبوك”: “إن شاء الله أجر وعافية وهتبقى زي الفل وتقوم بالسلامة.. أنا وكل حبايبك قلوبنا معاك وبندعيلك ربنا يشفيك ويعافيك ويطمنا عليك، ويد الله قبل يد الطبيب يا أستاذ الغناء وأخي الغالي محمد الحلو”.
وكان الفنان محمد الحلو، قال في تصريحات خاصة سابقة لـ”مصراوي” عن أزمته الصحية: “لن أجري جراحة بتر للقدمين كما ردد البعض، هي جراحة إزالة الانسداد، وتركيب دعامات فقط، ومش عارف مين طلع خبر البتر ده، مفيش الكلام ده، وربنا يكرمني”.
وأوضح: “الحمدلله مفيش غرغرينا ولا الكلام ده، لكن أخويا من سنة ونصف عمل عملية بتر لقدميه وتوفي الله يرحمه لإنه كان وصل لمرحلة متقدمة”.
وتابع: “أعتقد سبب الانسداد السكر، لإني عندي سكر تراكمي، ممكن دهون، حاجات كده، الظاهر أثرت، وكنت مشغول بضهري لإني عندي مشكلة في الفقرات، الموضوع بقى كبر شوية ولازم عملية وتسليك والدعامات”.
وأكمل: “سأجري العملية في أحد مستشفيات مدينة نصر، بواسطة الدكتور عبدالرحمن سليم وهو كبير دكاترة الأوعية وقام بطمأنتي”.
وكشف الحلو: “وزارتا الصحة والثقافة كلموني وعايزين هما اللي يعملوها ويتحملوا تكلفتها، الدكتور خالد عبدالغفار وزير الصحة، عايز يعملها على نفقة الدولة”.
وأضاف: “اللي عمل حالة ومتابعة كبيرة هو ابني حمادة اللي صرح وقال اطلبوا الدعاء لوالدي، وأكد: “سأعود للغناء مجددًا ولن أنقطع”.
