10:00 ص
الجمعة 17 يونيو 2022
كتب- وائل توفيق
كشفت الفنانة بدرية طلبة عن أقرب الفنانات إليها في الوسط الفني، بالإضافة لمحبتها الكبيرة للفنانة ياسمين عبد العزيز.
وقالت الفنانة بدرية طلبة أثناء استضافتها عبر برنامج “كلام الناس” المذاع عبر شاشة “إم بي سي مصر”: “فيه حاجة اسمها عشرة وعيش وملح وصداقة، الأوبشن ده مش عند التانيين اللي يقولك بتطبلها، وأنا ديما بشتغل، وبعدين هي بس اللي بشتغل معاها؟، بشتغل مع كتير قوي، هطبل لكل دول!، لما يكون في حاجة عن كل دول هقف معاهم، كل صحابي، كلهم حبايبي، وفاء عامر، آيتن عامر”.
وتابعت:” العشرة اللي بتولد بينا في الكواليس أثناء التصوير بتخلينا نقرب من بعض، خصوصا كمان ولاد بلدي، زي وفاء وآيتن، في ناس كده بيخشوا القلب، وحتى لو أنا مش بحب فلانة وصاحبتي، وحد ضايقها هدافع عنها، أومال المثل بيقول، أنا وأخويا وبن عمي، وأنا وبن عمي على الغريب، وبعدين بطبلها، أنا همسك طلبة ورق واتحزم وارقص لياسمين عبد العزيز”.
يذكر أن آخر أعمال الفنانة بدرية طلبة فيلم “تماسيح النيل”، الذي شارك في بطولته: دينا محسن (ويزو)، محمد جمعة، سليمان عيد، سوزان نجم الدين، ومن تأليف لؤي السيد وإخراج سامح عبدالعزيز.
